Beanies成員丨張天穎Jaime推出新歌《低調》　爸爸featuring彈琵琶MV拍足17小時

Beanies成員張天穎（Jaime）全新個人廣東歌《低調》在昨日（3月28）上架，為突顯電子曲風揉合中國風元素，特別請來親爸爸為歌曲featuring彈奏琵琶！

Jaime有歌曲《低調》的構思，是來自爸爸經常教她做人要「低調」，所以她便有感而發，將學習「低調做人 高調做事」這哲學寫成一首歌。

ILUBeanies 聯校Live丨Beanies成員各自唱solo　少爺占Donald深情唱情歌

▲ 張天穎父女。

父女檔上陣

此外，Jaime請爸爸一齊合作，她說：「其實前後都搞咗兩年，爸爸好鍾意彈琵琶，我覺得佢彈得好叻，所以我就請佢合作，佢最初都會問『得唔得㗎？會唔會好難？』，我就同佢講，新歌前奏節錄咗《彝族舞曲》少少嘅片段，係爸爸識彈嘅，佢知道後就放心好多，接受咗我嘅邀請！」

《低調》的MV是Jaime入行兩年以來最大製作的一次，身為獨立歌手，自己投資拍攝，捨得投放在入，完全是因為想同爸爸有個共同難忘的回憶作紀念，說：「我覺得同爸爸好難得有個咁嘅合作，加上爸爸成日同我講，要做就要做到最好，所以今次我就曬冷，基本上我將賺到儲落嘅錢，都放咗喺呢首歌嘅製作同拍MV上面，畫面同音樂上都豐富咗好多，成為咗我同爸爸畢生難忘嘅project！」

▲ 張天穎個人廣東歌《低調》MV。

直言：使多啲錢都係值得

今次新歌是由T-Ma監製，Jaime與PurpleNacho一同編曲，再由Jaime包辦作曲及填詞，最後成為一首由琵琶輪子彈奏出充滿少數民族的氣息，再穿梭到現代型格的電子舞曲。

Jaime笑言：「我發覺曲、詞、編、監如果自己做晒嘅話，真係會慳好多錢，但係，而家有T-Ma幫我做監製，PurpleNacho同我一齊編曲，令我學到好多嘢，令到首歌更加立體，使多啲錢都係值得嘅。」

▲ 張天穎個人廣東歌《低調》MV。

花近半年時間練舞

aime花了近半年時間練舞，配合《低調》的電子舞曲，希望令樂迷耳目一新。

拍攝MV當日，先於南生圍晚上取景拍Jaime與舞蹈員齊齊跳舞的部份，之後在灣仔租了一間富有特色的火鍋店拍通宵，拍足17小時，一絲不苟。

今次MV，Jaime找來波仔Boris操刀，爸爸有份參與拍攝，媽咪雖然沒有上鏡，但卻陪住Jaime父女捱通宵，令MV背後飽滿愛。

▲ 張天穎個人廣東歌《低調》MV。

最新影片推介：MIRROR專訪

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5